Vòs apréner catalan?

SpeakCat ei un cors de catalan ambientat en un contèxte universitari, damb exercicis e activitats.) Cònste de 10 unitats. Facilite un diccionari, un listat d’abreviatures, un quadre gramaticau e un assistent personau.

Cors d’iniciacion ath catalan que compren 10 ores d’un cors presenciau de lengua catalana; 10 ores de convèrsa damb un estudiant catalan; session de cultura catalana e visita ara ciutat.

Eth cors aufrís quate nivèus d’aprendissatge (Basic - Elementari - Intermèdi - Sufisença) e cada nivèu ei organizat en tres grads. Cada grad a ua durada aproximada d’uns tres mesi, qu'equivau a ues 45 ores de dedicacion. Se pòt hèr damb dues modalitats, liura e damb tutoria (modalitat de pagament).

Elaborat pera Secretaria de Politica Lingüistica dera Generalitat de Catalonha, er Institut Ramon Llull e eth Consòrci entara Normalizacion Lingüistica.

I trobaratz ua gramatica contrastiva, ua guida didactica e un petit mostrari de tèxtes preparadi. Es activitats son autoavaluatives. Elaborada pes Servicis Lingüistics dera Universitat de Barcelona, damb eth supòrt der ancian Departament d'Universitats, Recèrca e Societat dera Informacion.

Se tracte de diuèrsi títols de tèmes, un materiau pensat entà promòir eth dialòg e era convèrsa, e ath madeish temps refortir er aprendissatge dera lengua a trauès dera lectura.

Materiau de supòrt entar aprendissatge deth catalan des escolans de nivèu iniciau que seguissen corsi presenciaus, assistissen as centres d’autoaprendissatge o ben participe en programes d’escambi lingüistic. 

Elaborat pera Universitat de Barcelona.

Aplicacion gratuïta entà trobar parelh lingüistic. Mercés ath geolocalizador, trobaràs ua persona volontària que parle catalan fluidament e ua d’aprenenta qu’age coneishences basiques e volgue aquerir fluïdesa. Elaborada pera Plataforma per la Llengua damb eth supòrt dera Generalitat de Catalonha, eth Govèrn des Ièrles Baleares, era Generalitat Valenciana e es donacions de 205 mecenes.

Enes darrèri ans, centenats d’estudiantes internacionaus an arribat en Catalonha sense saber se quina ei era situacion lingüistica. Ès un d’eri? Ara seguida, se detalhen bèri hèts que vos pòden ajudar a coneisher-la.

Capsules d’informacion

Ací i a bèra causa entà toti: istòria, codina locau, hestivaus, conselhs utils, entre d’auti. Se pensatz a vier ací a estudiar, ei un bon lòc entà començar a planificar eth vòste sejorn. S’auetz aterrat ja, ei un bon lòc entà obtier mès informacion sus nosati.

Vies d’arribar en Catalonha? T’interèsse conèisher es dus principaus idiòmes que se parlen aciu?

Aguesta guida de pòcha vos presentarà tant catalan coma castelhan. Veiratz se guaire an en comun e com n’ei de facil de començar-les a parlar. Produsida pes servicis lingüistics des universitats catalanes damb eth supòrt dera Secretaria d’Universitats e Recèrca deth Departament d’Empresa e Coneishement.

damb aguesta guida poderàs saber se com se salude a ua persona que s’acabe de conéisher, se quan conven parlar a quauquarrés de tu o de vos, se com cau actuar quan mos conviden a sopar...

Es Guides de convèrsa comprenen des expressions d’emplec mès frequent enquias recorsi lingüistics mès practics ara ora de trobar lotjament o de sollicitar quinsevolh tramit enes servicis publics comerciaus. Disponible en 21 lengües que se combinen damb eth catalan. Elaborades pes Servicis Lingüistics dera Universitat de Barcelona, damb eth supòrt dera Secretaria d’Universitats e Recèrca deth Departament d’Empresa e Coneishement.

S’adrece as persones que trabalhen o collabòren ena arrecebuda e integracion d’aguest collectiu, e a coma objectiu dar-les ues ressorces que les faciliten eth prètzhèt d’acuelhuda.

Elaborat pera Universitat Politecnica de Catalonha, damb eth supòrt dera Secretaria d’Universitats e Recèrca deth Departament d’Empresa e Coneishement.

Questions tipe tèst sus aspèctes sociaus de diuèrsi païsi.

Er Argumenta s’estructure en 24 unitats tematiques de consulta independenta e desparières per çò qu’ei dera estenuda, e a dues concrecions materiaus, ua coma recors de consulta e ua auta coma producte formatiu des servicis lingüistics universitaris catalans. Elaborat pera Universitat Autonòma de Barcelona e era Universitat Politecnica de Catalonha, damb era collaboracion dera rèsta d’universitats catalanes, e damb eth supòrt dera Secretaria d’Universitats e Recèrca deth Departament d’Empresa e Coneishement.

Conten frases e expressions entà practicar, contenguts gramaticaus complementaris explicadi d’ua manèra simpla e informacion culturau que pòt auer interès entàs persones acabades d’arribar en nòste país. Aguest recors a recebut eth supòrt dera Secretaria d’Universitats e Recèrca deth Departament d’Empresa e Coneishement.

Elaborat pera Universitat Autonòma de Barcelona e era Universitat Politecnica de Catalonha, damb eth supòrt dera Secretaria d’Universitats e Recèrca Departament d’Empresa e Coneishement

S’a concebut especiaument entà estudiants, professors e personau d’administracion e servicis qu’an previst de realizar ua estança academica en ua universitat estrangèra o que trabalhen diàriament damb persones de tot eth mon.

Petita guida entà redigir trabalhs universitaris d'acòrd damb es nòrmes de qualitat de redaccion. Elaborat pera Universitat Autonòma de Barcelona, era Universitat de Barcelona, era Universitat de Girona, era Universitat Politecnica de Catalonha, era Universitat Rovira i Virgili e era Universitat de Vic - Universitat Centrau de Catalonha, damb eth sosten dera Secretaria d’Universitats e Recèrca deth Departament d’Economia e Coneishement.

Eth Tèst de dubertura lingüistica presente a qui i jogue vint-e-cinc qüestions damb enonciats qu’a de puntuar entre 0 e 5. Eth jogador a un retorn explicatiu entà cada qüestion e, en auer-les responut totes, obten ua puntuacion qu’indique eth sòn nivèu de dubertura as lengües. Sigue quina sigue era puntuacion obtenguda, qui a participat en jòc pòt liéger, ath finau deth jòc, un perfil complèt dera persona «dubèrta as lengües».

Fiches de sosten entàs persones (mentors, volontaris lingüistics) qu’acuelhen as estudiants que comencen er aprendissatge deth catalan. Eth materiau que compde damb set fiches que rebaten situacions reaus dera vida vidanta e que contien lexic e expressions abituaus e informacions gramaticaus.

Aguest projècte a estat elaborat pes tecnicians de dinamizacion lingüistica des servicis lingüistics universitaris damb eth supòrt dera Secretaria d’Universitats e Recèrca deth Departament.

Podetz lieger-lo en alemanh, amazic, anglés, catalan, castelhan, francés, esperanto, euscar, galhèc, grèc, italian, japonés, occitan e ena lengua de signes catalana, castelhana i internacionau.

Era guida, editada en format PDF e disponibla en diuèrses lengües (catalan, castelhan, anglés, francés, aleman, italian, occitan, portugués e chinés) cònste de dus apartats. En prumèr, s’explique en qué consistís un escambi lingüistic e se tracte tèmes coma era estructura dera amassada, era durada, eth lòc o es activitats que se i pòden hèr. En dusau, se prepause tèmes de convèrsa e s’aufrís informacion entà pensar sus es similituds e es diferéncies entre cultures e païsi ara ora de víuer e organizar-se.

Elaborat pes servicis lingüistics universitaris damb eth supòrt dera Secretaria d’Universitats e Recèrca deth Departament d’Empresa e Coneishement.

I trobaratz es tèrmes, es definicions, es equivaléncies en diferentes lengües e recorsi fòrça utils entà redigir tèxtes academics de qualitat

A dues parts ua prumèra part de vocabulari en imatges e ua dusau part integrada per ua guida de guida de convèrsa plan brèu. Eth vocabulari a mès de 1.000 paraules en catalan, qu’apareishen associades a ua illustracion e son agropades per tèmes (era escòla mairau, era escòla d’adults, era farmàcia, es èrbes e es espècies, es minjades, eca.). Eth centre d’interès ath quau correspon cada dessenh se tròbe en catalan, castelhan, francés, anglés, italian, aleman, arab e chinés, ucraïnés e rus. Includís un mapa comarcau e un mapamundi.

Recomanacions entà arténher era foncion primordiau des tèxtes e deth lenguatge especializat: informar, transméter e escambiar coneishences dera manèra mès dirècta e objectiva possibla.

 Recuelh de convèrses sus tèmes dera vida vidanta que comencen per un nivèu basic e aumenten de dificultat. Es dialògs se pòden liéger en format PDF e escotar en MP3.

Fils de conversa cònste de 10 unitats tematiques que tracten tèmes d’actualitat e en cada ua tostemp i trobaratz quate blòcs que’n didem hius: Mira i parla (‘Guarda e parla’); Escolta i parla (‘Escota e parla’); Guaita i opina (‘Campa e opina’) e Parlem-ne i fem (‘Parlem-ne e hescam’). Cada hiu prepause 4 activitats orientades a presentar vocabulari, promòir era lectura entre parièrs, practicar estructures lingüistiques e comunicatives e, sustot, facilitar era conversacion.

Aguest materiau aufrís mès de 300 activitats que promòn era interaccion e era conversacion. Se'n pòt consultar era guida d’emplec (Guia d'ús) entà auer ua explicacion mès detalhada deth sòn foncionament.

Elaborat pera Secretaria de Politica Lingüistica.

Compren dues sèries diferentes, es dues indicades entà hèr acuelh lingüistic e nivèu basic. Era prumèra colleccion conten 23 dessenhs que presenten dialògs sus activitats quotidianes e ua guida didactica entà facilitar-ne er emplec ena aula. Era dusau colleccion conten 17 dessenhs que presenten dialògs basadi en hèts e personatges istorics de Catalonha e recuelhudi enes nòms des carrèrs.

Cors de catalan basat en ua seleccion de contenguts de nivèu A1 damb un fòrt component audiovisuau: eth hiu conductor ei un seriau de ficcion protagonizat per ua estudianta americana, Ella, qu’ei tot just arribada en Barcelona. Es vidèos de ficcion se complementen damb vidèos de contengut lingüistic locutadi en anglés, materiaus diuèrsi, fòrums e exercicis complementaris. Se i includís tanben referéncies culturaus.

Cors gratuït, dubèrt a quinsevolha persona deth mon interessada a apréner catalan e conéisher era cultura catalana, elaborat per ua equipa interdisciplinària dera UPF, damb eth sosten deth Departament de Recèrca e Universitats.