Es prumèrs contactes.
Te dam totes es donades que te cau entà auer ua vision detalhada d’aguest gran copacap qu’ei Catalonha, ua tèrra a on era diuersitat lingüistica e culturau son presentes en cada cornèr.
Descorbís com èm es catalans
Fòrça gent arribe en Catalonha e non coneish era realitat que i trobarà. Descorbís-ac per mejan des materiaus que t’aufrim. An coma objectiu qu’es escolans estrangèrs que vien a estudiar en ua universitat catalana conegue diferenti aspèctes sus es nòstes abituds, era nòsta societat e era situacion lingüistica.
Coneish era lengua
Eth catalan se parle en un territòri de 68.730 km2, partit entre quate estats europèus (Espanha, França, Andòrra e Itàlia). Guaries des persones que i viuen l’empleguen? Trobaràs tota era informacion referida ad aguest ahèr, a on se parle, qui lo parle, er emplec deth catalan en ensenhament, ena cultura, en comèrç... en apartat “El català/coneishement i ús” deth web dera lengua catalana.
Pòs consultar donades actualizades sus es coneishences e emplecs lingüistics en diferenti encastres: populacion, administracion, ensenhament, servicis sanitaris e sociaus, mejans de comunicacion, consum culturau e mon digitau, mon socioeconomic, territòris de parla catalana e projeccion exteriora.
Se t’interèsse conéisher es donades annaus sus era situacion lingüistica en Catalonha les trobaràs as Informes de política lingüística.
Eth catalan ena universitat
Daurís-te ath mon
Enes universitats catalanes entraràs en contacte damb persones de d’auti endrets. As pensat jamès enes diferéncies culturaus ara ora de convíuer e organizar-te? En aguest apartat trobaràs estruments entà gestionar era diuersitat culturau que te pòden ajudar a relacionar-te eficaçament damb persones de d’autes cultures e païsi.
