Practica o catalán e pásao ben!

material de apoio para a aprendizaxe do catalán do alumnado de nivel inicial que segue cursos presenciais, asiste a centros de autoaprendizaxe ou ben participa en programas de intercambio lingüístico. 

Elaborado pola Universidade de Barcelona.

aplicación gratuíta para atopar parella lingüística. O xeolocalizador permite atopar unha persoa voluntaria que fala catalán fluidamente e unha persoa con ganas de aprender a lingua, que teña coñecementos básicos do idioma pero desexe adquirir fluidez. Elaborada pola Plataforma pola Lingua co apoio da Generalitat de Cataluña, o Goberno das Illas Baleares, a Generalitat Valenciana e os donativos de 205 mecenas.

Fils de conversa consta de 10 unidades temáticas que tratan temas de actualidade e en cada unha sempre atoparás catro bloques que chamamos fíos: Mira i parla (‘mira e fala’); Escolta i parla (‘escoita e fala’); Guaita i opina (‘observa e opina’) e Parlem-ne i fem (‘falemos e fagamos’). Cada fío propón catro actividades dirixidas a presentar vocabulario, fomentar a lectura entre iguais, practicar estruturas lingüísticas e comunicativas e, sobre todo, facilitar a conversa.

Este material ofrece máis de 300 actividades que promoven a interacción e a conversa. Consulta a guía de uso (Guia d'ús) para obter unha explicación máis detallada de como funciona.

Elaborado pola Secretaría de Política Lingüística.

Fichas de apoio para as persoas (mentores, voluntarios lingüísticos) que acollen os estudantes que se inician na aprendizaxe do catalán. O material consta de sete fichas que reflicten situacións reais do día a día e conteñen léxico e expresións habituais e información gramatical.

Este proxecto foi elaborado polos técnicos de dinamización lingüística dos servizos lingüísticos universitarios co apoio da Secretaría de Universidades e Investigación do Departamento de Empresa e Coñecemento.

A guía, editada en formato PDF e dispoñible en varias linguas (catalán, castelán, inglés, francés, alemán, italiano, occitano, portugués e chinés), consta de dous apartados. No primeiro, explícase en que consiste un intercambio lingüístico e trátanse temas como a estrutura do encontro, a duración, o lugar ou as actividades que se poden levar a cabo. No segundo, propóñense temas de conversa e ofrécese información para reflexionar sobre as semellanzas e as diferenzas entre culturas e países á hora de vivir e organizarse.

Recurso elaborado polos servizos lingüísticos universitarios co apoio da Secretaría de Universidades e Investigación do Departamento de Empresa e Coñecemento.

Ten dúas partes: a primeira parte consiste nun vocabulario en imaxes; a segunda parte está integrada por unha breve guía de conversa. O vocabulario ten máis de mil palabras en catalán, que aparecen asociadas a unha ilustración e están agrupadas por temas (a gardería, a escola de adultos, a farmacia, as herbas e as especias, as comidas, etc.). O centro de interese ao que corresponde cada lámina atópase en catalán, castelán, francés, inglés, italiano, alemán, árabe, chinés, ucraíno e ruso. Inclúe un mapa comarcal e un mapamundi.

recompilación de conversas sobre temas da vida cotiá que se inician por un nivel básico e van aumentando de dificultade. Os diálogos pódense ler en formato PDF e escoitar en MP3.

inclúe dúas series diferentes, ambas as dúas indicadas para a acollida lingüística e para un nivel básico. A primeira colección contén 23 láminas que presentan diálogos sobre actividades cotiás e unha guía didáctica para facilitar a súa utilización na aula. A segunda colección contén 17 láminas que presentan diálogos baseados en feitos e personaxes históricos de Cataluña que se recollen en nomes de rúas.

trátase de distintos títulos de temas, un material pensado para promover o diálogo e a conversa, á vez que se reforza a aprendizaxe da lingua a través da lectura.