Hizkuntza-harrera

Mugikortasun-ikaslea bazara eta Bartzelonako Unibertsitatera etortzeko asmoa baduzu edo iritsi berria bazara eta nondik hasi ez badakizu, interesatuko zaizu jakitea UBn Kataluniako hizkuntza eta Kulturako Harrera Plana (EN) daukagula eta zuretzat pentsatuta dagoela, bai mugikortasun-ikaslea bazara, bai gradu osoa edo graduondokoa ikastera etorri bazara. Doktoregaia bazara edo irakaslea edo ikertzailea bazara, zuretzat ere ibilbidea diseinatu dugu.

Seihileko bakoitzerako eskaintza egokitua daukagu: hasiera batean, katalanezko hasierako ikastaro bat egin dezakezue, ia doan. Ikastaroaren programan, kultura-jarduerak eta bisitak sartzen dira, bai eta Unibertsitateko bizitzan eta hizkuntzan integratzea erraztuko dizueten baliabideak ere. Hauek dira: Hizkuntza-trukeko poltsa, CATclub, Unibertsitateko solasaldirako gidak eta harrera-webgunea, dena azaltzen dizuena eta ikasteko ibilbide bat proposatzen duena.

Hauek dira normalean eskaintzen ditugun baliabideak eta jarduerak, baina ikasturtean zehar askoz gehiago daude. Ezagutzera etortzeko gonbita egiten dizuegu!

Nahi izanez gero, idatzi sl.acollida@ub.edu helbidera.

UAB ikasle heldu berrientzako jarduerak eskaintzen ditu, Kataluniako hizkuntza- eta kultura-errealitatea ezagutzeko eta hemengo ikasleekin harremanetan egoteko. Jarduerak ikasturte osoan zehar egiten dira eta, horietan, ikasleen arteko harremanak eta hizkuntza-trukea bultzatzen dira. Gainera, jarduera espezifikoak egiten dira egun berezietan; adibidez, Sant Jordin edo UABren jai nagusian.

Etxean bezalaxe sentitzeko zerbitzuak eta baliabideak ditugu zuretzat: Kataluniako bizimoduari buruzko informazio erabilgarria, testuinguru sozial eta kulturalari buruzko gidak, hizketan hasteko bildumak... Dena doan eta zure eskura klik bakar bat eginez!

Hizkuntza-harrerako atari honetan, Pompeu Fabra Unibertsitateak ongietorria egiten dizu nazioarteko ikaslea zarelako edo aurki izango zarelako. Informazioa eta baliabideak ditugu zuretzat, katalanarekin berehala ohitzeko, eta Kataluniako kulturari eta gizarteari buruz jakin beharreko guztia jakiteko. Ongi etorri, bada, UPFra!  

UdL-k baliabideak jartzen ditu heldu berrien eskura, egonaldi atsegina izan dezaten eta hiria eta Kataluniako hizkuntza eta kultura ezagut ditzaten.Seihileko bakoitzaren hasieran, ongietorri-aste bat egiten da ikasleentzat, ingurunea ezagutzeko jarduerak eta hasierako katalan-ikastaro bat eginez. Ikasitako hori hainbat mailatako ikastaroen bidez zabaldu daiteke.

Azpimarratu behar da Hizkuntza Boluntariotzak zeregin garrantzitsua duela. Unibertsitate-komunitateko kideek iritsi berriei laguntzen diete, bai hizkuntzaren ikaskuntzan, bai Kataluniako lurraldea eta kultura ezagutzean.

Katalana hizkuntza-trukerako poltsaren (BIL) bidez praktikatzeko aukera ere badago, hainbat hizkuntzatako hiztunen arteko topaleku eta trukerako gune gisa pentsatu da eta.

Gironako Unibertsitatean klaseak batez ere katalanez ematen dira.Gure hizkuntza pixka bat ikasten laguntzeko, eskolak hasi baino egun batzuk lehenago, hasierako harrerara joan zaitezke, Kataluniako hizkuntzari eta kulturari buruzko prestakuntza-saioen konbinazio batera.

URVn, katalana ikasi nahi duten mugikortasuneko ikasleei arreta pertsonalizatua eskaintzen diegu, haien beharretara gehien egokitzen den ikastaroa hauta dezaten orientatzeko.Lauhileko bakoitzaren hasieran, ongietorri-ekitaldiak ere antolatzen ditugu, eta kultura-tailerrak egoten dira.

UVicera iristen zarenean, zer egin dezakezu hizkuntza ikasteko eta unibertsitateko bizimodura azkar egokitzeko?

Nazioarteko truke-programa bateko ikaslea bazara, hartu parte Orientation days jardunaldietan; seihileko bakoitza hasi aurretik eskaintzen dira. Eta, ikasturtean zehar, eman izena kultura-jardueretan.

Kataluniakoa ez bazara baina UVicen matrikula egin baduzu ikasketa guztietarako, eman izena harrera-ikastaroan. Hamabost egunetan zehar, katalanaren oinarrizko nozioak ikasiko dituzu, lehenbiziko egunetan lagunduko dizute eta. 

Zalantzarik baduzu, idatzi helbide honetara: sl@uvic.cat.

UIC Barcelonara iritsi bezain laster, seihileko bakoitzaren hasieran doan eskaintzen dugun katalaneko sarrera-ikastaroan parte hartu ahal izango duzu.Gainera, ikasturtean zehar, Kataluniako kulturara hurbiltzeko aukera izango duzu, gure etxeko jai-egutegiaren harira antolatzen ditugun jardueren bidez.

UAO CEUn, hizkuntza-harrerako baliabideak eta jarduerak aurkituko dituzu lehen egunean bertan, hizkuntza- eta kultura-errealitatea hobeto ulertzen laguntzeko.