Escambi lingüistic

Vòs hèr escambi de convèrsa catalan - ua auta lengua damb estudiants estrangèrs dera tua universitat? Te condam coma hè'c!


Mòstra un mapa mès gran
  • Universitat de Barcelona (UB)

    Es Servicis Lingüistics qu’organizam activitats culturaus entàs persones que participatz enes escambis de convèrsa, en tot apréner lengües mentre hem visites culturaus, excursions, jòcs, amassades, eca.

    Entà participar en aqueres activitats de manèra gratuïta, cau que t’inscriues ena Borsa d’escambi lingüistic.

    Demana mès informacion sus eth Grop de convèrsa en catalan en: acollida.sl@ub.edu.

  • Universitat Autonòma de Barcelona (UAB)

    E vòs participar en ua activitat d'escambi lingüistic e culturau ena tua universitat en tot conéisher estudiants dera UAB? Programa Tandèm

    E vòs sostier a un estudiant de mobilitat ena sua integracion lingüistica e culturau? E vòs arrecéber era ajuda d'un estudiant locau entà practicar era lengua catalana e conéisher aspèctes dera cultura catalana? Experimenta eth programa d’acuelhuda!

    Escambis damb Study Abroad.

  • Universitat Politecnica de Catalonha (UPC)

    Inscriu-te a un escambi lingüistic e practica lengües damb persones natives. S'i participes, non solaments poderàs melhorar era coneishença der anglés e d’autes lengües, mès tanben conéisher a gent e cultures d’auti lòcs e divertir-te. Verifica-ac! Qu’ei gratuït e qu’ei dubèrt a toti.

    Time to talk

  • Universitat Pompeu Fabra (UPF)

    Eth programa de parelhs lingüistics deth Volontariat Lingüistic dera UPF favorís er escambi lingüistic, culturau e personau entre es estudiants internacionaus que hèn un sojorn ena UPF e es estudiants catalans, damb eth doble objectiu de facilitar era integracion lingüistica e culturau des estudiants internacionaus e d’encoratjar er aprendissatge de lengües e era internacionalizacion entre es estudiants catalans. Eth programa tanben includís eth supòrt as estudiants de lengua espanhòla o d'autes lengües sense demanda que vòlen apréner catalan, que se les assignen volontaris lingüistics que los ajuden a arténher aqueth objectiu sense escambi lingüistic pròpriament dit.

    Consulta-ne tota era informacion ena pagina web deth programa!

  • Universitat de Girona (UdG)

    Tandèms lingüistics: que poderàs conversar ena lengua estrangèra que sabes o estúdies damb un estudiant en tot participar en programes de mobilitat. Aquerò te permeterà assolidar era lengua orau e apréner en un entorn plaçat dehòra dera sala de classa. Puja ath Tandèm lingüistic e hè a córrer era lengua!

    Tandèm virtu@u: pensat entàs persones que se vòlen méter en contacte damb un estudiant de catalan d’arreu deth mon a trauès der Skype, messatges electronics, chat, messenger…

  • Universitat de Lhèida (UdL)

    E vòs parlar ua auta lengua e non sabes damb qui? E vòs participar en activitats en tresaus lengües? (Visites guidades, amassades, clubs de lectura...).

    Inscriu-te en Borsa d’Escambi Lingüistic dera UdL.

  • Universitat Rovira e Virgili (URV)

    Voletz trobar a quauquarrés entà hèr un escambi lingüistic?

    Solament cau qu'entretz ena nòsta pagina d'Escambis Lingüistics URV sus Facebook e qu’ahigetz ua entrada en mur! Cau que i especifiquetz eth vòste nòm, quines lengües aufritz e quines vos interessarie practicar. A compdar d'ací, se vedetz un aufriment que vos interèsse entà hèr er escambi, calerà que vos metetz en contacte a trauès dera messatgeria integrada enes vòsti perfils de Facebook, entà concretar era data e eth lòc d'amassada.

    Mès informacion

  • Universitat Internacionau de Catalonha (UIC)

    Era Unitat de Catalan qu’amie a tèrme, ath long deth cors, ua seguida d'activitats orientades a promòir era interaccion entre es escolans locau e es d’escambi. En aqueth sens, que hèm a conéisher e que dinamizam es tandèms lingüistics. Un tandèm lingüistic ei ua manèra informau e gratuïta d'apréner lengües: se tracte d'escambis entre estudiants locaus e estudiants estrangèrs, que s'acòrden en foncion dera lengua que vòlen apréner/ensenhar e, mejançant sessions de convèrsa, melhoren es sues abiletats lingüistiques enes lengües escuelhudes. Participa-i!