Catalan en estrangèr

Se vòs èster en contacte damb eth catalan dehòra de Catalonha estant, que pòdes hè'c a trauèrs deth Hilat universitari d'estudis catalans en exterior o a trauèrs des Comunitats Catalanes der Exterior que i a per tot eth mon.

Hilat universitari d'estudis catalans en exterior

Er Institut Ramon Llull que promò es estudis de lengua e cultura catalana enes universitats der exterior, damb es que soscriu acòrds entara implantacion o entara consolidacion d'estudis catalans, e que sosten es universitats, ath professorat e as estudiants per miei de diuèrsi programes e linhes d'ajudes. Mès de 150 universitats en tot eth mon impartissen docéncia d'estudis catalans, articulades a trauès deth Hilat universitari d'estudis catalans en exterior que coordine er Institut Ramon Llull. Aqueth institut que fomente tanben es estudis auançadi e era recèrca sus era lengua e era cultura catalana a trauès de centres d'estudi e cagires de professors visitants enes universitats de prestigi arreconeishut, qu'organize es pròves entara avaloracion e era certificacion de coneishences de catalan coma lengua estrangèra dehòra deth domeni lingüistic, qu'impulse era formacion deth professorat especializat en ensenhament deth catalan coma lengua estrangèra e que promò accions adreçades as estudiants entà que complèten era sua formacion lingüistica. Actuauments era chifra totau d'estudiants universitaris qu'aprenen catalan qu'ei d'uns 6.000 en tot eth mon.

Mès informacion: http://www.llull.cat/catala/aprendre_catala/aprendre_catala.cfm.

Comunitats Catalanes der Exterior

Es Comunitats Catalanes der Exterior complissen un ròtle fonamentau ara ora de projectar Catalonha en mon: hèn a conéisher eth país e era cultura e lengua catalana pertot. Ath delà, es Comunitats Catalanes der Exterior contribuïssen a crear un hilat associatiu ena zòna a on son establides e, damb es activitats qu'organizen e es relacions qu'establissen, exercissen de difusors civius de Catalonha.

Podetz localizar aguestes entitats en mapa deth mon damb totes es Comunitats Catalanes der Exterior.

Tanben podetz consultar es Comunitats Catalanes der Exterior ena següenta lista des Comunitats Catalanes der Exterior.